ಆದಷ್ಟು ಆಯಿತು … (ಉತ್ತರ ಕನ್ನಡದ ಗಾದೆ – 169)

ಆದಷ್ಟು ಆಯಿತು ಮಾದೇವ ಭಟ್ಟರ ಪುರಾಣ.

ಸುಮ್ಮನೆ ಕುಳಿತಿರುವ ಬದಲು ಮಾದೇವ (ಮಹಾದೇವ) ಭಟ್ಟರು ಪುರಾಣವನ್ನು ಅಷ್ಟಷ್ಟಾಗಿ ಓದಿ ಮುಗಿಸಿದ್ದರು. ಇಡೀ ಪುರಾಣವನ್ನು ಒಮ್ಮೆಲೇ ಓದುತ್ತೆನೆಂದು ಕುಳಿತರೆ ಆಗುವ ಕೆಲಸವಲ್ಲ. ಖಾಲಿ ಕುಳಿತುಕೊಳ್ಳದೆ ಸಮಯ ಸಿಕ್ಕಾಗಲೆಲ್ಲ ಸ್ವಲ್ಪ ಕೆಲಸ ಮಾಡಿಕೊಂಡಿದ್ದರ ಬಗ್ಗೆ ಹೇಳಬಹುದು. ಪೂರ್ತಿ ಕೆಲಸವನ್ನು ಒಮ್ಮೆಲೇ ಮಾಡಿ ಮುಗಿಸಲು ಸಾಧ್ಯವಿಲ್ಲದಿದ್ದರೂ ಚೂರು ಚೂರಾಗಿ ಮಾಡಿ ಮುಗಿಸಬಹುದು; ಮಾದೇವ ಭಟ್ಟರು ಪುರಾಣವನ್ನು ಓದಿ ಮುಗಿಸಿದಂತೆ.